Общайтесь с Людьми

Мир - это книга. Те, кто не общаются с другими, пропускают много страниц.
Пригласите пользователей

Browse Members

1,192 members found.

  • ОО "Хуршед" Баланд бардоштани сатҳи итиллоотнокии мардум яке аз ҳадафҳои лоиҳаи «Дастгирии ислоҳоти низоми сабти асноди ҳолати шаҳрвандӣ дар Тоҷикистон» маҳсуб меёбад. Моҳи равони соли ҷорӣ дар доираи лоиҳа бо назардошти беҳтарсозии дастрасӣ ба хидматрасонӣ оид ба сабти асноди ҳолати шаҳрвандӣ дар сатҳи ҷамоатҳо ва маҳаллҳои ноҳияҳои ҳадафнок, аз ҷумла барои иштирокчиёни ноҳияи Рӯдакӣ дар шаҳри Душанбе, ҳамзамон дар шаҳри Бохтар тренингҳои бозомӯзӣ дар мавзӯи “Баргузории чорабиниҳои итиллоотӣ-маърифатӣ дар самти хидматрасонии САҲШ барои қишрҳои осебпазири аҳолӣ” баргузор шуд. Лоиҳаи мазкурро Ташкилоти Ҷамъиятии “Гендер ва тараққиёт” дар ҳамкории шарикӣ бо Вазорати адлияи Ҷумҳурии Тоҷикистон, Сохтори «СММ- Занон », Хазинаи Нуфуси СММ ва бо дастгирии молиявии дафтари Швейтсария оид ба ҳамкорӣ ва рушд дар Тоҷикистон роҳандозӣ менамояд. Дар тренинги мазкур гуруҳҳои сарварони ҷамоатҳои аҳолӣ (ГСҶМ) барои ноҳияи Рӯдакӣ ва шаҳри Бохтар бо ҷалби ашхоси бонуфуз ва сарварони шинохтаи маҳаллӣ, омӯзгорони ботарҷиба, намояндагони ташкилотҳои ҷамъиятии маҳаллӣ, намояндагони дин таъсис ёфтанд, ки оид ба баланд бардоштани хидматрасонӣ ва итиллоотрасонии САҲШ мубодилаи афкору таҷриба намудаанд. Дар назар аст, ки гуруҳҳои мазкур доир ба баргузор кардани чорабиниҳои оммавӣ, итиллоотӣ, маърифатӣ баҳри қишри осбепазири ҷомеа дар самти хидматрасонии саривақтии САҲШ тариқи баргузор кардани сессияҳои хурд қишрҳои осебпазири аҳолӣ ва аъзоёни оилаҳои онҳоро бо маълумоти муҳиму манфиатбахш фарогир хоҳанд шуд. Бино ба андешаи Дилором Ҳайдарова ҳамоҳангсози лоиҳа, - «Гуруҳҳои сарварони ҷамоатҳои аҳолӣ, ки дар доираи фаъолияти лоиҳа таъсис дода мешаванд, аслан оид ба низом ва ҷараёни сабти хидматрасонии саривақтии САҲШ дар мавриди таваллуди кӯдак, ҳуҷҷатгузорӣ дар ҳолатҳои вафоти ашхоси наздик, бекоркунии ақди никоҳ, муқаррар кардани падарӣ, фарзандхонӣ, ивазкунии ному насаб ва номи падар баҳри қишрҳои осебпазири ҷомеа дар сатҳи маҳаллаву ҷамъоатҳо итиллоти муҳимро тариқи баргузории чорабиниҳои итиллоотӣ- маърифатӣ баргузор менамоянд”.  Иштирокчӣ аз ноҳияи Рӯдакӣ Муҳаммадмумин Саидзода дар ҷараёни тренинг иброз намуд, ки “Аксарияти гуруҳҳои осбепазири ҷомеа дарк менамоянд, ки гирифтани зоднома, хати никоҳ, хати вафот ва дигар ҳуҷҷатҳои лозима аслан ба таври ҳамеша ва дар ҳолати гуногун зарурат доранд, мутассифона омилҳои кашола додани сабти асноди ҳолати шаҳрвандӣ аз ҷониби онҳо ин ноогоҳӣ аз оқибатҳои мавҷуд надоштани сабти ҳолати шаҳрвандӣ буда, бо вазъи иҷтимоӣ ва иқтисодӣ иртиботи бештар дорад. Аз ин рӯ, гуруҳҳои таъсисёфта дар назди ҷамоатҳо ва маҳаллаҳо нақшаи умумии баргузории чорабиниҳои итиллоотӣ-маърифатиро тартиб дода, супоришу вазифаҳои аъзоёни гуруҳро муайян намуда, ҳамзамон дар паҳн кардани маводи чопии зиёд ва итиллоти зарурӣ миёни аҳолӣ мусоидат хоҳанд кард”.  Наргис Саидова директори иҷроияи Ташкилоти Ҷамъиятии “Гендер ва тараққиёт” афзуд, ки “Дар доираи лоиҳаи мазкур тасмим дорем, ки дар шаҳри Душанбе ва ноҳияи Бобоҷон Ғафуров низ дар самти баланд бардоштани сатҳи итиллоотнокии мардум оид ба хидматрасонии бахшҳои САҲШ дар ҷамоатҳо ва маҳалаҳо боз ду тренингҳои омӯзишӣ баргузор намуда, дар кори он зиёда аз 65 нафар иштирокчиёнро ба омӯзишҳо ҷалб хоҳем кард”.
    December 17, 2018

  • ОО "Равонбахш" Хамадони Аз пайваст шудан ба ин шабака хеле шодам. Умед аст, баҳри боз ҳам ривоҷ ёфтани кор, ки баҳри дастгирии маъюбон равона карда шудааст, мусоидат хоҳад намуд. Аз ҳамаи шумо барои маслиҳат ва дастгирӣ миннатпазирем.
    October 31, 2017